لماذا لا استطيع ان اسيطر على حياتي ؟

مرحبا وشكرا لانكم بتعطونا فرصة ننشر مشاكلنا ونحصل على احلى مساعدة من المعقبين .. انا بنت عمري 17 سنة شاطرة بالمدرسة وشكلي مقبول ووضعنا المادي منيح ،

بس حاسة بفراغ كبير بحياتي مش عارفة ايش اعمل بالفترة الاخير كتير بعصب على اخوتي وعلى امي وبعرف اني ما بصير اغلط على امي وبحاول اختصر المشاكل معها بس مش عارفة صايرة انقهر واعصب من اتفه المواقف وكمان اهلى مش مساعديني كتير بحكو على وبخلوني اعصب بزيادة وبكونو كل اهلي معاي بس بضلني حاسة اني وحيدة وصرت شوي شوي انعزل ما بحب اقعد مع اهلي عشان ما اتقاتل معهم يعني بعرف انو هيك ما بقدر اكمل وكمان لاني هلا توجيهي وهاي السنة مهمة كتير ولازم اركز بدراستي بس جد بدي مساعدة منكم ما بقدر اكمل بهيك وضع يعني نفسيتي كتير تعبانة وكمان يعني انا ما بحب وكل ما اشوف وحدة وحبيبها او اسمع عن حدا بحب وهيك ما بعرف ليه بحزن وبكون بدي ابكي وبتحسر على حالي مع اني انا اللي رافضة فكرة اني احب واعمل علاقات وهيك بس مش عارفة .. بليز ساعدوني لاني جد تعبانة وشكرا الكم .. سلامات

انا ما بحب احل مشاكل البنات بس معلش انا حبيت اني اساعدك
اختي العزيزة انتي قلتها انك في مرحلة الثانوية العامة وهذا شيء طبيعي وكل شخص يمر بهذه المرحلة ولكن ليس بتلك الطريقة التي تعاملين بها اهلك
اضبطي نفسك قليلا وتمهلي في الرد على الاشياء وفكري ولو للحظة وامسكي اعصابك لانك في سن يجب الحفاظ على الشخصية اي وهو سن المراهقة وعصبيتك هذه دالة على انك متوترة من الدراسة وخائفة من التوجيهي لا تتوتري ولا تخافي والفراغ الذي تحسين به وهو انك وحيدة في العالم انتي التي صنعتيه من يديكي وبنفسك اذهبي لصديقاتك وتكلمي معهن وافصحي بسرك لواحدة تثقين بها فقط وسوف تلاقين تحسن باذن الله




فتقبلي ودي وردي .............................مع تحياتي انا علاء جرادات

مشكور حبيبي ع هالمواضيع الحلو متلك..يا حلو ..انشاء الله بضللك هيك منور الموقع بمواضيعك المميزه

مشكور اخي لا اهتمامك في مواضيعي و انشا الله صاحبه القصه بتشوف ردك وبتعمل متل ما احكيت ..مرسي تاني