حبيبتي ترفض ان ارى صورتها في المسنجير !!

بسم الله الرحمن الرحيم . كل عام وانتم بخير ، مرحبا احلا زوار الموقع. انا عندي مشكلة وبجد انها مشكلة ، وانا بدي مساعده

انا مشكلتي اني انا حبيت بنت ، حبيتها حب جنوني ما شفتها بحياتي غير مرتين بس ما حكيت معها وهي ما عرفت اني انا شفتها ، انا اتعرفت عليها عن طريق النت وحبيتها وحبتني وصارلنا مع بعض سنه ونص ، بس لما طلبت منها صوره صارت تتهرب مني ، وصرت اتصل ما اترد عليى على التلفون ، واسا هي بيدها تبعد ، بس انا ما بقدر ابعد عنها لئني حبيتها اكتير وبصراحه انا ما بقدر اني افكير في اي بنت غيرها ، يعني ما بقدر افكر اني احب غيرها ، وبالنسبه الى ما في عندي ايا مشكله اني اتحمل كل المشاكل الي بيدها اتصير عشان اتزوجها لئني وعدتها اني ما اتركها تحت ايا ظرف من الظروف، ما بتركها لئنها هي الي دخلت الحياة لقلبي ، وبصراحة هي انسانه رائعه ، بس ما بعرف انتم شو رأيكم في الموضع ليش ما بيدها اتفرجيني الصوره.