امي تعاملني بشكل سيء للغاية

اول شي بدي اشكر الموقع على كل المجهود المبذول واهنيه على النجاح الي محققو
. انا بنت عندي 16 سنة كل الناس بيحبوني الحمد لله لاني دايما بحاول اراضي كل الناس ،

بس مشكلتي اني ما بتفاهم مع امي بحاول دايما اتقرب منها متل كل بنت في سني بس بلاقيها بعيدة كتير عليا . كتير قاسية في تصرفاتها معي ما بتحس فيني ما بتحس اني بحتاجلها دايما . سعات بحس انها مو امي وهاي الصراحة , بس اكتر شي خلاني اكرها وخلاص ما عدت اطيقها ولا اطيق اشوفها انها في يوم عيد ميلادي كل الناس بتهنيني وكنت منتظراها بفارغ الصبر تيجي وتسمعني بس كلمة حلوة لكن ما عبرتني ولا كلمتني وكأنو مافي شي عن جد هالشي قتلني وخلاني اكرها . انا محتاجة مساعدتكم شو اعمل عن جد انا كرهتها رغم اني ما بحب اكره حد
. وشكرا .